वारकरी म्हणजे काय?

वारकरी म्हणजे “जीवन जगण्याची सर्वोच्च पद्धत”
परम सत्य असणार्या अश्या विष्णू म्हणजेच पंचमहाभूतांवर परम श्रद्धा असणारा, क्रोध, वर्ण, अभिमानामध्ये न गुंतणारा, लीनतेने ओतप्रोत ओसंडून वाहणारा, ज्याचे चित्त नवनीताप्रमाणे शुभ्र व कोमल आहे असा हा जो कोणी तो वारकरी. यालाच जोड म्हणजे ज्याकडे नुसते पहिले तरी प्रसन्न वाटावे, असा आयुर्वेदिक तुळशीची माळ गळ्यात धारण करणारा, ज्याचा सहवासाचा सुगंध कायम दरवळावा असा गोपीचंदन कपाळी लेवणारा, ओंकाराचा ध्वनी कायम मनात गुंजत राहावा यासाठी हातामध्ये टाळ, विना घेऊन त्यातून ओंकार साकारणारा. मुळातच या विश्वात जगताना ज्याला वारकरी भवसागर म्हणतो, तो तरुन जाण्यासाठी सर्वोच्च जीवनशैली असणारा असा तो वारकरी.

या जीवनशैलीच्या मध्ये जो येईल त्याला शब्दबाण, काठी, वेळ आली तर तलवार दाखवणारा.

‘वार’ - अधर्मावर वार करून (मानसिक असेल किंवा सामाजिक)
‘करी’ - धर्म पुन्हा स्थापित करणारा.